BAKI, 2 fevral — Sputnik. Səudiyyə Ərəbistanında 15 ay müddətində korrupsiya ilə mübarizə üçün aparılan əməliyyat zamanı 106.6 milyard dollar dövlət büdcəsinə geri qaytarılıb. Sputnik Azərbaycan-ın Türkiyə mediasına istinadən xəbərinə görə, korrupsiyada ittiham edilən 381 nəfər ifadə verib. Onların arasında ölkədə və xaricdə məşhur biznesi olanlar da var.
Qeyd edək ki, ifadə verənlərdən 87-si təqsirini etiraf edib. Korrupsiya əməli sübuta yetirilməyən şəxslər isə sərbəst buraxılıb.
