BAKI, 22 yanvar — Sputnik. Ukrayna Mərkəzi Seçki Komissiyası 31 mart 2019-cu ildə keçiriləcək prezident seçkilərinə daha iki şəxsin namizədliyini qeydə alıb. Sputnik Azərbaycan "Liga.net"-ə istinadən xəbər verir ki, bunlar Aleksandr Şevçenko və Azərbaycan əsilli iş adamı Roman Nəsirovdur.
Ukrayna Dövlət Fiskal Xidmətinin sabiq rəhbəri Roman Nəsirov müstəqil namizəd olaraq seçkilərə qatılır. Fraksiyadan olmayan deputat Alekandr Şevçenko isə "Ukrop" partiyasının namizədidir.
