BAKI, 10 yanvar — Sputnik. Hollandiyada İran səfirliyinə hücum edilib. Sputnik Azərbaycan "Haber7"ə istinadla xəbər verir ki, Hollandiyada bir qrup nümayişçi Haaqa şəhərində yerləşən İran səfirliyinə daxil olmağa çalışaraq tapança ilə atəş açıb.
Nümayişçilərdən birinin 2017-ci ildə Haaqada öldürülən iranlı Ahmad Nissinin oğlu olduğu bildirilib.
Hadisə ilə bağlı Hollandiya polisi açıqlama verib: "Səfirliyin binasına daş atıldığı, tapança ilə atəş açıldığı müəyyən edilib. Hadisə ilə əlaqədar 4 etirazçı həbs olunub".
Qeyd edək ki, Hollandiya kəşfiyyat xidməti olan "AIVD" İran kəşfiyyatının Hollandiyada baş verən iki cinayətin arxasında ola biləcəyini açıqlamışdı.
