BAKI, 27 dekabr — Sputnik. Məlumatların qorunması sahəsində ixtisaslaşmış SplashData şirkəti 2018-ci ilin 100 zəif şifrəsinin siyahısınıl tutub. Sputnik Azərbaycan xarici mətbuata istinadla xəbər verir ki, siyahıda birinci yerdə “123456” və ikinci yerdə “passvord” (şifrə) sözü olub. 2018-ci ildə “donald” sözü 23–cü yerdə qərarlaşıb. 2018-ci ilin digər zəif şifrəsi isə "aa123456"və "password1" olub.
Şirkətin direktoru Morqan Sleynin sözlərinə görə, istifadəçilər digərlərinin uğursuzluğundan dərs götürməyərək, özlərini təhlükəyə atırlar.
Ən zəif şifrələrin onluğu aşağıdakı kimidir:
1. 123456
2. password
3. 123456789
4. 12345678
5. 12345
6. 111111
7. 1234567
8. sunshine
9. qwerty
10. iloveyou
Ekspertlər istifadəçiləri diqqətli olmağa və eyni şifrədən onlayn xidmətlər, internet bankçılıq və emaillərdə istifadə etməməyi məsləhət görürülər.
Qorunmuş şifrə hərflər və rəqəmlər də daxil olmaqla 8 işarədən ibarət olmalıdır.
Hesabınızın təhlükəsizliyinin təmin olunmasının başqa bir yolu isə telefona SMS şəklində gələn PIN kodu daxil etməyi nəzərdə tutan iki faktorlu identifikasiya etməkdir.
