BAKI, 15 may — Sputnik. Adananın Seyran ilçəsinin Gürsəlpaşa məhəlləsində qəribə hadisə baş verib.
Sputnik Azərbaycan Türkiyə mətbuatına istinadən xəbər verir ki, Feshi Tekin Diyarbəkrdən Adanaya satmaq üçün bir sürü keçi gətirib və heyvanları evin yaxınlığında yerləşən boş əraziyə buraxıb. Daha sonra yemək yemək üçün gecə 03:00-da evə gedib. Heyvanlar tək qalan zaman küçə itləri sürüyə hücum edib. İtlər 4 çəpişi yaralayaraq öldürüb.
Səhər heyvanların bəzilərinin qaçdığını görən Feshi Tekin onların 19-nu evdən 2 kilometr aralıda tapıb. Qorxaraq qaçan 2 keçisini də itirən Feshi ümumilikdə 3 min lirə ziyana düşüb.
