BAKI, 25 dekabr — Sputnik. Ağdaşda qoyun üstündə adam öldürüblər. Sputnik Azərbaycan Qafqazinfo-ya istinadla xəbər verir ki, dünən axşam saatlarında Aşağı Zeynəddin kənd sakini Dursun Mığımov 1966-cı il təvəllüdlü Baxşəli Əliyevi dəyənəklə vuraraq öldürüb.
Hadisənin baş verməsinə səbəb isə qətlə yetirilən şəxsin torpağında D.Mığımovun qoyun otarması olub. Belə ki, B.Əliyev D.Mığımova onun torpağında qoyun oturmamasını deyib. Bu zaman Mığımov əsəbiləşərək onun başına bir neçə yerdən dəyənəklə zərbə vurub.
Əliyev xəstəxanaya çatdırılsa da, başına vurulan ağır zərbədən vəfat edib. Hadisəni törədən şəxs saxlanılıb. Faktla bağlı Ağdaş Rayon Prokurorluğunda cinayət işi açılıb.
Qeyd edək ki, B.Əliyev D.Mığımovun qızının qaynıdır.