Leyla Əfəndiyeva: “Festivalda iştirak etmək üçün çoxsaylı müraciətlər alırıq”
“Bakı Beynəlxalq Caz Festivalının məqsədi Azərbaycanda cazın inkişafına töhvə verməkdir”. Bunu Sputnik Azərbaycan beynəlxalq mətbuat mərkəzində təşkil edilmiş tədbirdə festivalın direktoru Leyla Əfəndiyeva deyib.
“Biz bu festivalın gözəl nəticələrini gördük. Festival çərçivəsində Azərbaycana dünya şöhrəli musiqiçilər gəldi. Festival gənc musiqiçilər inkişafında rolu böyükdür. Hər il 14-30 yaş arası musiqiçilər bu festivalda iştirak edir. Festivalda iştirak etmək üçün dünyanın müxtəlif ölkələrindən çoxsaylı müraciətlər alırıq” — deyə o bildirib.
Qeyd edək ki, Bakı Beynəlxalq Caz Festivalı 2002-ci ildən etibarən hər il oktyabr ayında Bakı şəhərində keçirilir. Festivalda həm xarici həm də yerli caz ulduzları iştirak edir.
