BAKI, 11 iyun — Sputnik. Şirvan sakinləri olan gələcək gəlin və baldız itkin düşüb.
Sputnik Azərbaycan APA-ya istinadla xəbər verir ki, Şirvan sakinləri — 17 yaşlı Zahidova Aytac Yasər qızı və 18 yaşlı Quliyeva Əfsanə Allahverdi qızı 26 mayda evdən çıxıb və geri qayıtmayıblar.
Aytac Zahidovanın anası Flora Zahidovanın bildirdiyinə görə, nişanlı olan qızı Aytac və oğluna nişanlı olan gəlini Əfsanənin itkin düşmələri barədə Şirvan Polis Şöbəsinə yazılı müraciət olunub. Onların hansı səbəbdən yoxa çıxmaları məlum deyil.
Hazırda itkin düşənlərin axtarışı davam edir.
