BAKI, 30 may — Sputnik. 28 May Respublika Gününə həsr olunmuş Azərbaycan Respublikası Uşaqlar, Yeniyetmələr, Gənclər və Böyüklər arasında Ciu-Citsu Milli Federasiyasının təşkil etdiyi Ciu-Citsu (Fighting sistem), Braziliya Ciu-Citsusu (GI, NO-GI), Kombat Ciu-Citsu növləri üzrə Bakı şəhər birinciliyi keçirilib. Sputnik Azərbaycan xəbər verir ki, yarışda 292 idmançı mübarizə aparıb.
Onlardan 153 nəfər Fighting sistemi üzrə (JJIF), 124 nəfəri Braziliya Ciu-Citsusu üzrə (BJJ Gi, No-Gi), 15 nəfəri isə Kombat Ciu-Citsusu üzrə yarışlarda qələbə uğrunda yarışıb. Yarışın sonunda qalib gələn idmançılara medal və fəxri diplomlar təqdim olunub.
