İlqar Fəhmi: “Heç kim heç nə oxumur, ancaq deyir ki, ssenari yoxdur”
Azərbaycan kinosunun ən ciddi problemi ssenari məsələsidir. Bunu Cəfər Cabbarlı adına “Azərbaycanfilm” kinostudiyasının direktoru Müşfiq Hətəmov deyib. Kinodramaturq İlqar Fəhmi Sputnik Azərbaycan-a deyir ki, rejissorları ədəbiyyat oxumağa məcbur etmək lazımdır: “Rejissorlar kitab oxumurlar, materiallardan xəbərləri yoxdur. Amma hər yerdə ssenari olmadığını qışqırırlar”.
“Yaxşı əsəri, romanı, povesti axtarmaq lazımdır. Ədəbiyyatda çoxluq var və onun içindən yaxşısını seçmək lazımdır. Teatrlarda da eyni vəziyyətdir. Deyirlər dramaturq yoxdur. Hansınız gedib o əsərləri oxudunuz ki, filan əsəri səhnələşdirmək olmaz deyirsiniz. Heç kim heç nə oxumur, ancaq deyir ki, ssenari yoxdur. Yoxu da ona görə deyirlər ki, öz tənbəlliklərini ört-basdır eləsinlər” – deyə o bildirib.
