Rəşad Həsənov: Bu reytinqlər bankların kredit siyasətində effekt verərsə, bu, rəqabət mühitinin yaranmasına müsbət təsir göstərəcək
“Azərbaycanda milli reytinq agentliklərinin yaradılması mütərəqqi, struktur islahatları baxımından irəliyə doğru addım olar”, — iqtisadçı-ekspert Rəşad Həsənov hesab edir ki, maliyyə bazarlarının inkişaf etdirilməsindən söhbət gedirsə, bu zaman müxtəlif tərəflərin maraqlarını müdafiə edən qurumların və bütün elementlərin öz yerində olmasına ehtiyac var.
Ekspertin sözlərinə görə, bu addım, xüsusilə də kreditorların maliyyə vəziyyətinin qiymətləndirilməsi, fəaliyyətində şəffaflığın, hesabatlılığın təmin olunması, eyni zamanda, bank və digər kredit təşkilatları üçün daha dolğun informasiya mənbəyinin və sağlam kredit portfelinin formalaşdırılması üçün mühüm əhəmiyyət daşıyır.
