İstənilən arzu edən şəxs hər bazar günü saat 18:00-dan 21:00-dək Dənizkənarı bulvardakı Milli Parkda, Kukla Teatrının arxasındakı meydançada açılmış pulsuz rəqs dərslərində iştirak edə bilər.
Bu layihə Azərbaycan Gənclər İttifaqı və Azərbaycan Rəqs Assosiasiyasının təşkilatçılığı, Jam SS rəqs studiyasının və Bakı Bulvarı administrasiyasının dəstəyi ilə həyata keçirilir.
Təşkilatçıların verdiyi məlumata görə, məşğələlər Jam SS-in peşəkar müəllimləri, həmçinin Azərbaycanın, Qafqazın çempionları, Avropa və dünyanın priz sahibləri, Rusiya və Avropada master-klass keçmiş şəxslər tərəfindən həyata keçiriləcək.
Açıq dərslər bir neçə istiqamətdə rəqslər üzrə olacaq: milli, latın, Şəqr, hind, hip-hop və zumba.
