BAKI, 6 may — Sputnik. Dünəndən start götürmüş karate üzrə 51-ci Avropa çempionatında artıq bir finalçımız məlumdur.
Yarışıın birinci günü 87 kq çəki dərəcəsində döyüşən Şahin Atamov üçün uğursuz olub. Karate Federasiyasının mətbuat xidmətindən Sputnik-ə verilən məlumata görə, idmançımız ilk döyüşündə məğlub olaraq mübarizəni dayandırıb. Komandamızın liderlərindən olan Rafael Ağayev isə gözlənilən ümidləri doğruldub —75 kq çəkidə rəqib tanımayan Rafael Andorra, Avstriya və Macarıstanlı rəqiblərini məğlub edərək yarımfinala yüksəlib. Dünya çempionumuz yarımfinalda fransalı rəqibinə də şans verməyib və onu məğlub edərək finala yüksəlib. Final görüşü 7 may tarixində keçiriləcək. Rafael Ağayevin rəqibi türkiyəli idmançı Ərman Əltəmur olacaq.
