BAKI, 8 apr — Sputnik. Bakı metrosunun "Həzi Aslanov" stansiyasında eskalatorun təmiri başa çatıb.
Bu barədə "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev məlumat verib.
"Stansiyasının ikinci vestibülündə yerləşən 1 saylı eskalator bu gündən etibarən sərnişinlərin istifadəsindədir", — deyə N. Paşayev bildirib.
Qeyd edək ki, adıçəkilən eskalator 11 mart tarixində təmirə dayandırılıb.
