BAKI, 5 noy — Sputnik. İsmayıllı rayonunda iki nəfərin ölümü ilə nəticələnən yol-nəqliyyat hadisəsi baş verib.
APA-nın xəbərinə görə, noyabrın 4-də saat 23:00 radələrində Bakı-Şamaxı-Yevlax avtomobil yolunun 171-ci kilometrliyində, İsmayıllının Əyyubbəyli kəndi ərazisində 90-LM-047 dövlət nömrə nişanlı “VAZ 2107” markalı minik avtomobili qaranlıq vaxtı yolda dayanmış traktora çırpılıb. Hadisə zamanı minik avtomobilinin sürücüsü və sərnişini aldıqları ağır xəsarətlərdən hadisə yerində ölüblər.
APA-nın məlumatına görə, Ağsu rayonu Pirhəsənli kənd sakini, 1986-cı il təvəllüdlü Kərimov Razi Arzulla oğlu və avtomobildə olan sərnişin, Qaraqoyunlu kənd sakini, 1970-ci il təvəllüdlü Əhmədov Elsevər Hacı oğlu qəzada ölüb.
