BAKI, 22 okt — Sputnik. Ukrayna prezidenti Pyotr Poroşenko, Rusiyanı hədəf alan açıqlamalar verib.
Sputnik-in xəbərinə görə, ölkənin qərbində yerləşən və radikal millətçilərin daha sıx yaşadığı Frankovsk şəhərində əhaliyə müraciət edən Poroşenko, Ukraynanı Rusiyanın təcavüzünə qalib gələn yeganə ölkə adlandırıb.
"Rus təcavüzkarlığını dayandırmağı bacararaq, Rusiyanın ağzına yumruğu endirə bilən tək Avropa ölkəsi biz olduq" — deyə Ukrayna prezidenti əlavə edib.
Poroşenko həmçinin, bütün Avropa və dünyanın, Ukraynanı bu mübarizədə dəstəklədiyini bildirib.
Ukrayna prezidenti, ölkənin şərqində separatçıların nəzarətindəki torpaqları geri qaytarmağa başladıqlarını da deyib.
