Türkiyədə çevriliş cəhdində həlak olanların dəfn mərasimi keçirilib

© AP PhotoTürkiyədə dövlət çevrilişinə cəhd
Türkiyədə dövlət çevrilişinə cəhd - Sputnik Azərbaycan
Abunə olmaq
Türkiyə prezidenti Rəcəb Tayyib Ərdoğan, Türkiyənin 11-ci prezidenti Abdullah Gül, Türkiyə Böyük Milli Məclisinin sədri İsmail Kahraman, sabiq baş nazir Əhməd Davudoğlu da dəfn mərasiminə qatılıb

BAKI, 17 iyul — Sputnik. Türkiyədə dövlət çevrilişinə cəhd nəticəsində həlak olanlar son mənzilə yola salınıb. Sputnik Türkiyə mətbuatına istinadən xəbər verir ki, Bakı vaxtı ilə saat 13:00-da ölkədəki 85 min məsciddə şəhidlərin ruhuna salavat verilib, dualar oxunub.

İncirlik Hərbi Hava Bazası - Sputnik Azərbaycan
İncirlik hərbi bazasının komandanlığı həbs edildi

İstanbuldakı Fatih məscidində 7 şəhidin cənazə namazı qılınıb. Türkiyə prezidenti Rəcəb Tayyib Ərdoğan, Türkiyənin 11-ci prezidenti Abdullah Gül, Türkiyə Böyük Milli Məclisinin sədri İsmail Kahraman, sabiq baş nazir Əhməd Davudoğlu cənazə namazının qılınmasında iştirak ediblər.

Şəhidlərin son mənzilə yola salınması mərasimi Ankarada və digər şəhərlərdə də təşkil edilib. Şəhidlərin üzəri Türkiyə bayrağı ilə örtülmüş cənazələri onların doğulduqları vilayət və şəhərlərə aparılaraq torpağa tapşırılıb. Cənazələrin son mənzilə yola salınması mərasimi vətəndaşların böyük izdihamları ilə müşayiət olunub.

Xəbər lenti
0