BAKI, 13 iyul — Sputnik. Böyük Britaniyanın elm adamları, dünyanın hər hansı bir yerinə yalnız 4 saat içində çatmağı təmin edə biləcək təyyarə hazırlayırlar. Həmin təyyarənin mühərriki sayəsində kosmosa da getmək mümkün olacaq.
Sputnik milliyet-ə istinadla xəbər verir ki, "İngilis Reaction Engines" şirkətinin hazırladığı mühərriklər 2020-ci ildə sınaqdan çıxarılacaq. Bu mühərriklərdən güc alan təyyarələrin istifadəyə verilməsi ilə hava nəqliyyatında yeni bir dövr başlayacaq.
Normalda 10 saat davam edən Nyu-York-London səfərini 2 saata endirəcək olan təyyarələr, dünyanın hər hansı bir yerinə yalnız 4 saat içində çata biləcək. Bu mühərriklərdən kosmosa göndəriləcək peyklərdə də istifadə edilməsi gözlənilir.
