BAKI, 9 fev — Sputnik. "Hesab edirik ki, Rusiya-Türkiyə münasibətlərinin normallaşması üçün vasitəçilərə ehtiyac yoxdur. Türkiyə tərəfinə bizim mövqeyimiz məlumdur". Sputnik xəbər verir ki, bu açıqlamanı Rusiyanın Türkiyədəki səfiri Andrey Karlov berib.
Səfir bildirib ki, Türkiyə münasibətlərin normallaşdırılması üçün real addımlar atmaq istəsə, onların bu baxımdan hər cür imkanı var: "Bizim mövqeyimiz bəllidir. Diplomatik münasibətləri dayandırmamışıq, həm Moskvada, həm də Ankarada səfirliklərimiz fəaliyyətini davam etdirir. Türkiyə münasibətlərin normallaşdırılması üçün real addımlar atmaq istəsə, onların bu baxımdan hər cür imkanı var".
Xatırladaq ki, 2015-ci il noyabrın 24-də Rusiyaya məxsus Su-24 qırıcı təyyarəsi Türkiyə hava hücumundan müdafiə qüvvələri tərəfindən vurulub. Rusiya bu addımı cinayət kimi dəyərləndirsə də, Ankara rus təyyarəsinin Türkiyənin hava məkanını pozduğunu və səbəbdən vurmaq məcburiyyətində qaldıqlarını bəyan edir.
