23:46 06 Dekabr 2016
Canlı yayım
Mixail Saakaşvili

Saakaşvili Odessanın 24 rayon rəhbərini istefaya göndərir

dnrespublika.info
DÜNYA
Qısa URL
13 0 0

Ukraynanın Odessa vilayətinin yeni qubernatoru, Gürcüstanın sabiq prezidenti Mixail Saakaşvili bölgə hakimiyyətini tamamilə yeniləmək və 27 rayon rəhbərindən 24-nü istefaya göndərmək niyyətindədir.

BAKI, 3 iyun — Sputnik. Ukraynanın Odessa vilayətinin yeni qubernatoru, Gürcüstanın sabiq prezidenti Mixail Saakaşvili bölgə hakimiyyətini tamamilə yeniləmək və 27 rayon rəhbərindən 24-nü istefaya göndərmək niyyətindədir.

Sputnik-in “RİA Novosti”yə istinadən verdiyi xəbərə görə, bu barədə Saakaşvili “Rustavi-2” telekanalının efirində bildirib.

“Vilayət cəmi 27 rayondan ibarətdir. Üç rayonun rəhbəri yeni təyin edilib, qalan 24 rəhbəri dərhal işdən azad edirik, daha doğrusu müsabiqənin yekunlarına əsasən yeni komanda formalaşdırırıq. Mən tək Odessa üzrə yox, ümumilikdə bütün Ukrayna üzrə müsabiqə elan edəcəm. Bu qurumlarda, həmçinin, milis orqanlarında islahatlar çox vacibdir, çünki kriminal burada hər şeyi ələ keçirib”, deyə Saakaşvili qeyd edib.

Eks-prezident qeyd edib ki, hər kimsə zəng edib ondan hər-hansı məmurun vəzifədə qalmasını xahiş edəndə, o ilk növbədə həmin məmuru istefaya göndərir.  

Ukrayna prezidenti Pyotr Poroşenko ötən həftə Saakaşviliyə Ukrayna vətəndaşlığı verərək onu Odessa vilayətinin qubernatoru təyin edib. 

Əlaqədar

Saakaşvili Gürcüstanı qorumaq üçün Odessada vəzifə tutub
Mixail Saakaşvili Odessa vilayətinin qubernatoru təyin edilib

Əsas mövzular