14:32 07 Dekabr 2016
Canlı yayım
Boru

Ekspert: Türk axını layihəsi dondurula bilər

azertag.az
MÖVZULAR
Qısa URL
12 0 0

Layihəyə imza atmaq üçün Türkiyədə hökumət təyin olunmalıdır, koalisiyanın qurulması isə 1-2 ay çəkə bilər.

BAKI, 10 iyun – Sputnik. İyunun 9-da Rusiyanın Qazprom şirkəti rus təbii qazının Avropaya nəqlini nəzərdə tutan Türk axını layihəsi üçün imzalanma mərasiminin bu ayın sonunda baş tutacağını söyləmişdi. Şirkətin vitse prezidenti Aleksandr Medvedev Türkiyədəki parlament seçkisi nəticələrinin layihənin reallaşmasına təsir etməyəcəyini bildirmişdi.

Siyasi ekspert Elxan Şahinoğlu Qazpromun açıqlaması ilə razılaşsa da imzalanma mərasimi vaxtının şübhəli olduğunu vurğulayıb. Ekspert Türkiyədə koalisiya hökumətinin formalaşmasının vaxt alacağını, bu səbəblə də Türk axını layihəsinin müəyyən müddətə dondurula biləcəyini ehtimal edib. 

“Türkiyədə seçkilər yeni bitib. Ən yüksək səsi AKP yığsa da, təkbaşına iqtidar olmaq şansını itirib. Uzun müddət sonra bu ölkədə yenidən koalisiya qurulacaq. Bu da təbii ki, biraz vaxt alacaq. Ona görə də, Türk axını layihəsinin Qazpromun iddia etdiyi kimi, iyunda reallaşması mümkün görünmür. Çünki layihəyə imza atmaq üçün Türkiyədə hökumət təyin olunmalıdır. Koalisiyanın qurulması isə 1-2 ay çəkə bilər” 

Ekspert həmçinin Türk axını layihəsinin TANAP-a təsirindən də danışıb.

“Türk axını layihəsi Avropa üçün daha cəlbedicidir. Çünki Rusiyadan uzanacaq boru kəməri qısa yolla Anadoludan keçərək Yunanıstana, oradan da Avropaya nəql olunacaq. Buna görə də, Azərbaycan qazı Avropa üçün ikinci plana keçəcək. Bəlkə də ona görədir ki, Rusiya Türk axını layihəsinin reallaşmasını sürətləndirmək istəyir”

Türkiyə Energetika Nazirliyi, Türk axını layihəsinin TANAP-a alternativ olmadığını və layihəyə təsir etməyəcəyini söyləmişdi.


Teqlər:
TANAP, Türk axını, Qazprom, Elxan Şahinoğlu, Aleksandr Medvedev, Rusiya

Əsas mövzular