10:45 03 Dekabr 2016
Canlı yayım
Smartfonlar

Smartfonlar vasitəsilə internet trafikin həcmi səkkiz dəfə artacaq

mobiltelefon.ru
Hi-Tech
Qısa URL
4 0 0

İsveçin “Ericsson” şirkəti kommersiya istifadəsinə 2020-ci ildə veriləcək beşinci nəsil mobil şəbəkələrinin (5G) işində uğura nail olmasını bəyan edib.

BAKI, 1 iyun — Sputnik. İsveçin “Ericsson” şirkəti kommersiya istifadəsinə 2020-ci ildə veriləcək beşinci nəsil mobil şəbəkələrinin (5G) işində uğura nail olmasını bəyan edib.

Şirkət nümayəndələri qeyd edir ki, yaxın beş il ərzində smartfonlar vasitəsilə internet bağlantılarının sayı iki dəfə, trafikin həcmi isə səkkiz dəfə artacaq. Belə şəraitdə müasir “LTE” şəbəkələrinin imkanları kifayət etməyəcək. Vəziyyətdən çıxmağa 10 və ya 20 Qbit/saniyəyədək buraxılış qabiliyyətini təmin edəcək “5G” texnologiyası kömək edəcək. Bu halda şəbəkədə fasilələr azalacaq və enerji effektivliyi artacaq.

 “Ericsson” “5G” şəbəkələrinin prototiplərini ABŞ və İsveçdə laboratoriya şəraitində və açıq havada sınaqdan keçirir. Hazırda açıq havada sınaqlar zamanı xüsusi avadanlıqla təchiz edilmiş minik maşınından istifadə edilir. Hərəkət zamanı artıq məlumatların 2 Qbit/saniyədən çox sürətdə ötürülməsinə nail olunub. Həmçinin “Ericsson” Stokholmda laboratoriya şəraitində işçi şəbəkəsində simsiz məlumatları 5Qbit/saniyə sürətində ötürə bilib.

“Ericsson” platforması "5G Multipoint Connectivity” texnologiyasından istifadəni nəzərdə tutur: “5G”-ni dəstəkləyən qurğu eyni anda bir neçə baza stansiyasına qoşulur ki, bu da məlumatları bir neçə axında yükləmək sayəsində ötürmə sürətini artırmağa, eləcə də siqnalın keyfiyyətini yaxşılaşdırmağa və sabit qəbulu təmin etməyə imkan verir. Bundan başqa, bir neçə siqnal axınının bir radiotezlik kanalında ötürülməsi üçün "Distributed MIMO” (Multiple Input Multiple Output) sistemi tətbiq edilir.

Əsas mövzular