23:15 09 Dekabr 2016
Canlı yayım
Bakı 2015 Avropa Oyunları

Xırdalan Avropa Oyunlarının məşəl estafetini qəbul etdi

sputnik.az
İDMAN
Qısa URL
33 0 0

Birinci Avropa Oyunlarının məşəli iyunun 5-də axşam saatlarında Xırdalan şəhərinə gətirilib.

BAKI, 5 iyun — Sputnik. Birinci Avropa Oyunlarının məşəli iyunun 5-də axşam saatlarında Xırdalan şəhərinə gətirilib.

Sputnik xəbər verir ki, məşəl Xırdalan şəhərinin girişində qurulan Oyunların rəmzi qapısında rayon ictimaiyyəti tərəfindən böyük sevinc və alqışlarla qarşılanıb. Qarşılanma mərasimində milli rəqslər, oyunlar nümayiş etdirilib.

Kunq-fu idman növü üzrə dördqat dünya, ikiqat Avropa çempionu, əməkdar idman ustası Ramiz Yaqnəliyev birinci Avropa Oyunlarının rəmzi qapısında məşəli qəbul edib.

Sonra 10 nəfər məşəlçinin yürüşünə start verilib. Onlar rayon sakinlərinin alqışları ilə məşəli bir-birinə ötürərək Məhəmməd Əmin Rəsulzadə küçəsi, Heydər Əliyev prospekti, Zərifə Əliyeva və Qalubiyyə küçələrindən keçməklə 2,5 kilometr məsafə qət ediblər. Sonuncu məşəlçi, kunq-fu idman növü üzrə Avropa və dördqat dünya çempionu Rövşən Həşimov Heydər Əliyev parkında quraşdırılan səhnəyə qalxaraq məşəli alovlandırıb.

Avropa Oyunlarının çırağı yarışlar başa çatanadək saxlanılmaq üçün Heydər Əliyev Mərkəzinə təhvil verilib.

Birinci Avropa Oyunları məşəlinin Atəşgah məbədində alovlandırılmasını əks etdirən videoçarx təqdim olunub.

Bununla da birinci Avropa Oyunlarının məşəli bölgələrimizə səfərini uğurla başa çatdırdı. Məşəl estafeti Bakıda davam etdiriləcək.

Əlaqədar

Bakı-2015: məşəlin şimal səyahəti başa çatdı
Məşəl Qubada
Bakı-2015 I Avropa Oyunlarının məşəli Sumqayıta gedib
Avropa Oyunlarının məşəli Şəkidə
İlhamə Quliyeva da məşəl daşıyacaq

Əsas mövzular