BAKI, 1 dek — Sputnik. Türkiyə ilə Rusiya arasında Ortaq Strateji Planlaşdırma Qrupunun 5-ci yığıncağı üçün Antaliyada səfərdə olan, Rusiyanın xarici işlər naziri Sergey Lavrov, türkiyəli həmkarı Mövlud Çavuşoğlu ilə mətbuata qapalı görüş keçirib. Görüşdən sonra jurnalistlərə açıqlama verən nazirlər, danışıqların detalları haqda qısa məruzə ediblər.
Sputnik Milliyet-ə istinadən xəbər verir ki, Sergey Lavrov bir həftə öncə Suriyanın Əl-Bab bölgəsində türk əsgərlərinə edilən hava hücumunda Rusiyanın əli olmadığını deyib: "Rusiya olaraq, bu hadisə ilə yaxından-uzaqdan əlaqəmiz yoxdur. Həmin gün türk əsgərlərini havadan vuran Suriyanın silahlı qüvvələri idi".
Çavuşoğlu və Lavrov Suriyada, xüsusilə Hələbdə axan qanın durması və bölgəyə insani yardımların çatdırılmasında həmfikir olduqlarını, bunun üçün ciddi çalışdıqlarını bildiriblər.
