BAKI, 14 dek-Sputnik. ABŞ dövlət katibi Con Kerri və Rusiyanın xarici işlər naziri Sergey Lavrov arasında Suriya məsələsi ilə bağlı telefon danışığı olub.
Sputnik-in məlumatına görə, ABŞ və Rusiyanın xarici siyasət idarələrinin rəhbərləri İŞİD başda olmaqla Suriyada fəaliyyət göstərən terror təşkilatlarının vahid siyahısının hazırlanması ilə bağlı vahid mövqe nümayiş etdiriblər.
Tərəflər, terrorçulara qarşı birgə cəbhənin yaradılmasının əhəmiyyətini vurğulayıblar, həmçinin Suriya münaqişəsinin həlli ilə bağlı ətraflı fikir mübadiləsi aparıblar.
ABŞ Dövlət Departamentinin rəhbəri Con Kerrinin dekabrın 15-də Moskvaya səfəri planlaşdırılıb.
