03:48 04 Dekabr 2016
Canlı yayım
İlham Əliyev

Prezident "BakuTel-2016" sərgisi ilə tanış olub

© Azərbaycan Prezidentinin Rəsmi internet səhifəsi
XƏBƏRLƏR
Qısa URL
29 0 0

Sərgidə dünyanın 18 ölkəsindən 200 şirkət iştirak edir. Builki sərgidə 9 ölkə innovativ layihələrini, eləcə də İKT sahəsində məhsul və xidmətlərini təqdim edir

BAKI, 30 noy — Sputnik. Prezident İlham Əliyev və xanımı Mehriban Əliyeva XXII Azərbaycan Beynəlxalq Telekommunikasiya və İnformasiya Texnologiyaları sərgisi — "Bakutel-2016" ilə tanış olub. Sputnik president.az-a istinadən xəbər verir ki, Rabitə və yüksək texnologiyalar naziri Ramin Quluzadə dövlətimizin başçısına və xanımına sərgi barədə məlumat verib.

Bildirilib ki, sərgidə dünyanın 18 ölkəsindən 200 şirkət iştirak edir. Builki sərgidə 9 ölkə — Avstriya, Belarus, İran, İtaliya, Fransa, Niderland Krallığı, Sloveniya, Türkiyə və Xorvatiya milli stendlərdə öz ölkələrinin aparıcı şirkətləri ilə yanaşı, həm Azərbaycan, həm də bütün Xəzəryanı region üçün innovativ layihələri, eləcə də İKT sahəsində məhsul və xidmətlərini təqdim edir.

İştirakçıların 40 faizi "Bakutel" sərgisinin daimi eksponentləridir. Sərgi iştirakçıları arasında aparıcı İKT şirkətləri, Azərbaycanın mobil rabitə operatorları, internet provayderləri, sistem inteqratorları və tanınmış brendlərin distribüterləri var. Ənənəvi olaraq, sərgidə Rabitə və Yüksək Texnologiyalar Nazirliyinin dəstəyi ilə iştirak edən bir sıra ölkələrin milli stendləri təqdim olunur. Nazirliyin pavilyonunda rabitə, poçt, "elektron hökumət" sahələrində həyata keçirilmiş yeni layihələr nümayiş etdirilir.

Regionun ən böyük tədbirlərindən biri olan "Bakutel" sərgisi 20 ildən artıqdır ki, hər il telekommunikasiya bazarının aparıcı iştirakçılarını öz platformasında bir araya toplayır. Beynəlxalq Telekommunikasiya İttifaqı kimi mötəbər təşkilatın dəstəyi, eləcə də Dünya Sərgi Sənayesi Assosiasiyası tərəfindən sərgiyə verilmiş keyfiyyət nişanı "Bakutel" sərgisinin beynəlxalq nüfuzunu bir daha təsdiq edir.

Dörd gün davam edəcək sərgi çərçivəsində görmə qabiliyyəti məhdud olan insanlar üçün "Danışan kitabxana", "Google Art Project", "Muzeylərin rəqəmsallaşdırılması" layihələrinin təqdimatı, startapların geniş iştirakı baş tutacaq.

Dövlət başçısı və xanımı sərginin pavilyonları ilə yaxından tanış oldular.

Əlaqədar

Vyanada Bəhram Bağırzadənin sərgisi keçiriləcək
Azərbaycanda sərgi keçiriləcək
Yeni Azərbaycan silahları ADEX 2016 sərgisində
Əlilliyi olan uşaqların əl işlərindən ibarət sərgi təşkil olundu
Azərbaycan London Beynəlxalq Kitab Sərgisində iştirak edəcək
Azərbaycan dilində kitab sərgisi təşkil etdiyi üçün həbs olundu
Teqlər:
"Bakutel-2016", Mehriban Əliyeva, İlham Əliyev, sərgi, prezident

Əsas mövzular