BAKI, 3 sen — Sputnik. Özbəkistanın mərhum prezidenti İslam Kərimov Səmərqəndin mərkəzində yerləşən Registan meydanında təşkil edilən vida mərasimindən sonra dəfn edilib.
Sputnik-in xəbərinə görə, Kərimov Şahi-Zinda adlı qədim məzarlıqda, valideynlərinin yanında dəfn olunub.
Onun nəşini qohumları və vətəndaşlar meydandan məzarlığa çiyinlərində aparıblar.
Kərimovu son mənzilə aralarında xarici nümayəndə heyətlərinin də olduğu minlərlə insan yola salıb.
3 Sentyabr 2016, 10:27
Dəfn mərasimində Azərbaycandan Milli Məclisin sədri Oqtay Əsədovun rəhbərliyi ilə nümayəndə heyəti iştirak edib.
Qeyd edək ki, Özbəkistanda bu gündən 3 günlük matəm elan olunub.
İslam Əbdülqəni oğlu Kərimov 1938-ci ildə Səmərqənddə anadan olub. O, 1989-cu ildən Özbəkistana rəhbərlik edirdi.
