BAKI, 23 iyun — Sputnik. Türkiyə prezidenti Rəcəb Tayyib Ərdoğan Avropa İttifaqı (Aİ) ilə müzakirələrin davam edib-etməyəcəyinə türk xalqının qərar verə biləcəyini deyib. Sputnik Timeturk-ə istinadən xəbər verir ki, Ərdoğan, referendum keçirilməsinin ən doğru addım olacağını bildirib.
Qeyd edək ki, son vaxtlar Avropa İttifaqının rəsmi Ankara qarşısında əsassız şərtlər irəli sürməsi Türkiyədə qəzəblə qarşılanmaqdadır. Yerli siyasilər və politoloqlar İttifaqın Türkiyədən tələb etdiyi "Terrorla mübarizə qanunu"nda dəyişiklik təklifini qətiyyətlə rədd edir.
