21:17 09 Dekabr 2016
Canlı yayım
Ильхам Алиев

Gələn bazar seçki olsa, 87,3% seçici İlham Əliyevə səs verəcək

© Sputnik / Сергей Гунеев
XƏBƏRLƏR
Qısa URL
21 0 0

"Rəy" Monitorinq Mərkəzinin iyunun əvvəlində ölkə üzrə keçirdiyi ictimai rəy sorğusunun nəticələrinə görə, əgər prezident seçkiləri qarşıdan gələn bazar günü keçirilsəydi, səsvermə məntəqələrinə yollanacaq respondentlərin 87,3%-i öz səslərini hazırkı dövlət başçısı İlham Əliyevə verərdi.

BAKI, 22 iyun — Sputnik. "Azərbaycan əhalisinin əksəriyyəti ölkə Prezidenti İlham Əliyevə etibar edir". Bunu "Rəy" Monitorinq Mərkəzinin iyunun əvvəlində ölkə üzrə keçirdiyi ictimai rəy sorğusunun nəticələri sübut edir.

Monitorinq Mərkəzindən Sputnik-ə verilən məlumata görə, cavablar göstərir ki, əgər prezident seçkiləri qarşıdan gələn bazar günü keçirilsəydi, səsvermə məntəqələrinə yollanacaq respondentlərin tam əksəriyyəti, yəni 87,3%-i öz səslərini hazırkı dövlət başçısı İlham Əliyevə verərdi.

"İlham Əliyev sizin kimi insanların maraqlarına cavab verirmi" sualına respondentlərin 83%-ə yaxını "bəli, cavab verir" (tam və ya qismən), 5%-i "xeyr, cavab vermir", 4%-i isə "əsasən cavab vermir" deyə cavab bildirib. Qalan 8% respondent bu sualı cavablandırmaqda çətinlik çəkib.

Sorğu, həmçinin göstərib ki, əgər prezident seçkiləri qarşıdan gələn bazar günü keçirilsəydi, rəyi soruşulanların mütləq əksəriyyəti (60%) birmənalı olaraq səsverməyə qatılardı. Daha 21% "yəqin ki, iştirak edərdim" cavab variantını seçib. Səsverməyə getməyəcəyini deyən respondentlər isə 12% təşkil edib. Qalan 7% cavab verməkdə çətinlik çəkib.

Hesabat 2015-ci il iyunun 13-15-də keçirilmiş "omnibus" tipli ictimai rəy sorğusunun nəticələri əsasında hazırlanıb.

Yaşayış yeri üzrə üzbəüz müsahibə yolu ilə keçirilən sorğuda yaşı 18 və yuxarı olan 1500 nəfər iştirak edib. Nisbi xəta 2,7 faizdir.

Teqlər:
İlham Əliyev, Azərbaycan

Əsas mövzular