09:59 08 Dekabr 2016
Canlı yayım
Bakının mərkəzində hərəkətə mane olan maneələr aradan qaldırılır

Bakının mərkəzində hərəkətə mane olan maneələr aradan qaldırılır

apa.az
XƏBƏRLƏR
Qısa URL
23 0 0

Bakının bəzi mərkəzi küçələrində vətəndaşlar tərəfindən yolun hərəkət hissəsinə, səkilərə hərəkətə mane olan müxtəlif maneələr, zəncirlər və dirəklər vurulur.

BAKI, 5 iyun — Sputnik. Bakının bəzi mərkəzi küçələrində vətəndaşlar tərəfindən yolun hərəkət hissəsinə, səkilərə hərəkətə mane olan müxtəlif maneələr, zəncirlər və dirəklər vurulur.

Paytaxtda həm sürücülərin, həm də piyadaların narazılığına səbəb olan həmin maneələrin sökülməsi işlərinə başlanılıb.

“Azəryolservis” ASC-dən verilən məlumata görə, aparılan işlər nəticəsində paytaxtın mərkəzində, Nəsimi rayonu Əlövsət Quliyev, Rəsul Rza, Əlimərdan bəy Topçubaşov, Həzi Aslanov və digər  küçələrdə vətəndaşlar tərəfindən yolun hərəkət hissəsinə və səkilərə vurulan müxtəlif maneələr, zəncirlər və dirəklər xüsusi kəsici alətlərlə kəsilərək, aradan qaldırılıb və bunu edən vətəndaşlara isə xəbərdarlıq edilib.

Qeyd edək ki, Azərbaycan Respublikası İnzibati Xətalar Məcəlləsinin 164.0.4 maddəsinə əsasən, yolların hərəkət hissəsində sədlərin, şlaqbaumların qurulması və nəqliyyat vasitələrinin hərəkətinin başqa üsullarla kəsilməsinə, habelə avtomobil yollarında nəqliyyat vasitələrinin və piyadaların hərəkətlərinə maneələrin yaradılmasına görə, fiziki şəxsləri 80 manatdan 100 manatadək miqdarında, vəzifəli şəxsləri 400 manatdan 500 manatadək miqdarında, hüquqi şəxsləri isə 3000 manatdan 4000 manatadək miqdarında cərimə gözləyir.

Əlaqədar

Bakının növbəti küçəsi bağlandı
Şəfayət Mehdiyev küçəsinidə nəqliyyatın hərəkəti bərpa olunub
Bakının mərkəzi küçələri bağlanır
Bakıda Şəfayət Mehdiyev küçəsinin bağlı olan hissəsi açılıb

Əsas mövzular