18:40 10 Dekabr 2016
Canlı yayım
Çimərlik

Şıx Sahil çimərliklərindən istifadə qadağan edildi

XƏBƏRLƏR
Qısa URL
10 0 0

Səbail rayonunun Şıx və Qaradağ rayonu Sahil çimərliklərində bakterioloji çirklənmə göstəriciləri normadan dəfələrlə çox olub.

BAKI, 3 iyun-Sputnik. Səhiyyə Nazirliyi Səbail rayonunun Şıx və Qaradağ rayonunun Sahil çimərliklərindən istifadəni qadağan edib.

Səhiyyə Nazirliyinin Mətbuat xidmətindən Sputnik-ə verilən məlumata görə, artıq adı çəkilən çimərliklərin fəaliyyətinin dayandırılması və onlardan istifadənin qadağan olunması ilə bağlı müvafiq dövlət qurumlarına — Bakı şəhər İcra Hakimiyyətinə, Bakı şəhər Baş Polis İdarəsinə, Fövqəladə Hallar Nazirlyinə, Ekologiya və Təbii Sərvətlər Nazirliyinə (ETSN) və rayon Gigiyena-Epidemioloji Mərkəzlərinə rəsmi məktubla qərar göndərilib.

Səhiyyə Nazirliyi Azərbaycanda 2015-ci ildə çimərlik mövsümü ilə əlaqədar keçirilən monitorinqlərin nəticələrini açıqlayıb. Abşeron yarımadasında və Bakı şəhəri ərazisində yerləşən çimərliklərin 2015-ci il yay mövsümünə hazırlığı ilə əlaqədar, Respublika Gigiyena və Epidemiologiya Mərkəzi tərəfindən rekreasiya zonasının sanitariya vəziyyətinin müayinəsi və dəniz suyunun keyfiyyət göstəricilərinin ETSN Xəzər Kompleks Ekoloji Monitorinq İdarəsi ilə birlikdə laboratoriya tədqiqat üsullarının tətbiqi ilə monitorinq keçirilib. Laboratoriya müayinələri zamanı, Mərdəkan-Şüvəlan, Novxanı, Buzovna, Zaqulba, Pirşağı, Nardaran, Hövsan çimərliklərində dəniz suyunun fiziki-kimyəvi, bakterioloji, toksikoloji, radioloji keyfiyyət göstəricilərinin norma səviyyəsində olduğu aşkarlanıb.

Müayinələr zamanı aydın olub ki, Səbail rayonunun Şıx və Qaradağ rayonunun Sahil çimərliklərinin sanitariya mühafizə zolaqlarında dəniz suyunun intensiv çirklənməsi halları hələ də davam etməkdədir. Şıx çimərliyinin sanitariya mühafizə zolağına Bibiheybət, Badamdar, 20-ci yaşayış sahəsi ərazilərindən və digər tərəfdən, Lökbatan qəsəbəsi istiqamətində təsərrüfat-məişət çirkab suları, Sahil çimərliyinin mühafizə zolağına isə Sahil təmizləyici qurğular stansiyasında təmizlənməmiş çirkab suların axıdılması dəniz suyunun bakterioloji çirklənməsinə səbəb olub. Qeyd olunan nöqsanlar aparılmış laboratoriya müayinə nəticələri ilə də təsdiq edilib. Səbail rayonunun Şıx və Qaradağ rayonu Sahil çimərliklərində bakterioloji çirklənmə göstəriciləri normadan dəfələrlə çox olub.

2015-ci il ərzində çimərlik mövsümündə mövcud vəziyyətin əhalinin sağlamlığı üçün ciddi təhlükə törətdiyini, əhali arasında yoluxucu xəstəliklərin baş verməsi və yayılması təhlükəsini nəzərə alaraq, “Sanitariya-Epidemioloji Salamatlıq haqqında” qanunun 34-cü maddəsinə əsasən, Şıx çimərliyinin, Qaradağ rayonu Sahil çimərliyinin və göstərilən ərazilərin qeyri-qanuni çimərlik sahələrinin çimərlik kimi istifadəsinin müvəqqəti olaraq qadağan edilməsi barədə qəbul edilmiş 07.06.2010-cu il tarixli, 83 N-li qərar qüvvədə saxlanılıb. Eyni zamanda, Səhiyyə Nazirliyinə, Bakı şəhər İcra Hakimiyyətinə, Bakı şəhər Baş Polis İdarəsinə,FHN-ə, ETSN-nə və rayon GEM-lərinə rəsmi məktubla qərar göndərilib.

 

Əsas mövzular