CƏMİYYƏT
Cəmiyyətin həyatında baş verən aktual hadisələr

Qaz və işığın qiymətinin qaldırılması ilə bağlı yeni təklif verildi

CC0 / Public Domain Pictures / GasQaz plitəsi, arxiv şəkli
Qaz plitəsi, arxiv şəkli - Sputnik Azərbaycan
Abunə olmaq
Fəzail Ağamalı: "Heç olmasa, əhaliyə verilən təbii qaz və elektrik enerjisi ilə bağlı kvotalar artırılsın"

© Photo : APAFəzail Ağamalı, Ana Vətən Partiyasının sədri
Fəzail Ağamalı, Ana Vətən Partiyasının sədri - Sputnik Azərbaycan
Fəzail Ağamalı, Ana Vətən Partiyasının sədri
BAKI, 2 dek — Sputnik. "Əgər biz qeyri-neft sektorunun inkişafından söhbət açırıqsa, bu, ilk növbədə kənd təsərrüfatının tərəqqisi ilə bağlıdır. Ancaq 35 milyon manat lizinq yolu ilə kənd təsərrüfatına, yəni, sahibkarlıq üçün vəsait ayrılıb. Bununla da heç nə etmək mümkün deyil". 

Sputnik xəbər verir ki, bunu millət vəkili Fəzail Ağamalı, parlamentdə büdcə müzakirələri zamanı deyib. Millət vəkili bildirib ki, enerji daşıyıcılarının qiymətlərinin Tarif Şurası tərəfindən artırılması kənd təsərrüfatı məhsullarının ilkin emalına ciddi zərbələr vuracaq: "Həm süd, həm ət məhsulları istehsal edən müəssisələrin, tərəvəz hazırlayan müəssisələrin ümumi gedişinə çox ağır, ciddi zərbələr vuracaq. Əgər sahibkar ayda 25 min manat tərəvəz istehsalına görə qaz pulu ödəyirdisə, indi onun miqdarı 50 min manat olacaq".

Milli Məclis - Sputnik Azərbaycan
CƏMİYYƏT
Deputat işığın qiymətinin qaldırılmasına etiraz etdi

"Bu gün ölkə xaricindən alınan bütün avadanlıqlar dollarla alınır — gübrələr də. İstixanalarda güzəşt yoxdur. Onun da qiyməti artıb. Artıq təsəvvür edin ki, 7 ay ərzində Azərbaycanda tərəvəz məhsullarının istehsalında çox ciddi problemlər yaranacaq. Təəssüf ki, bunun nəticələrini görəcəyik", — millət vəkili qeyd edib.

O, təklif edib ki, ən azından, Tarif Şurası vətəndaşlara qazın və işığın verilməsi ilə bağlı kvotaları artırsın: "250 kilovat-saat əvəzinə 500 kilovat-saat, 1500 kubmetr əvəzinə 3000 kubmetr qazın verilməsi yaxşı olardı. Çünki, kəndlərdə insanlar qışda, ancaq qaz ilə isinirlər. Kvota buna bəs etmir. Bakıda da vahid istilik sistemi olmadığına görə, yenə bu problem var. Ona görə də Tarif Şurası kvotaların artırılmasına baxsa, yaxşı olar".

Xəbər lenti
0