CƏMİYYƏT
Cəmiyyətin həyatında baş verən aktual hadisələr

""Asan Xidmət" Prezidentin həyata keçirdiyi islahatların tərkib hissəsidir"

© Photo : ASAN Xidmətİnam Kərimov, ASAN Xidmətin rəhbəri
İnam Kərimov, ASAN Xidmətin rəhbəri - Sputnik Azərbaycan
Abunə olmaq
İnam Kərimov: "Davamlı inkişafın təmin edilməsi baxımından dövlət xidmətlərinin göstərilməsindəki irəliləyişlər digər sahələrə də müsbət təsir edir"

BAKI, 9 fev — Sputnik. 8-10 fevral tarixində Dubay şəhərində Ümumdünya İdarəetmə Zirvə Toplantısı keçirilir. Tədbirdə ölkəmizi Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimovun rəhbərlik etdiyi nümayəndə heyəti təmsil edir.

Səyyar ASAN Xidmət. Arxiv şəkli - Sputnik Azərbaycan
CƏMİYYƏT
Səyyar ASAN xidmət Qobustanda

"ASAN" xidmətin mətbuat xidmətindən Sputnik-ə verilən məlumata görə, sayca 4-cü olan Zirvə Toplantısına dövlət və hökumət başçıları, nazirlər, beynəlxalq təşkilatların rəhbərləri, eyni zamanda biznes və elm dairələrinin mindən çox nümayəndələri qatılıb. Tədbirin ilk günü "Davamlı inkişaf məqsədləri fəaliyyətdə" mövzusunda təşkil olunmuş paneldə Dövlət Agentliyinin sədri İnam Kərimov çıxış edib. Agentliyin sədri davamlı inkişaf məqsədlərinə nail olmaq üçün dövlət idarəetməsinin və onun əsas istiqamətlərindən olan dövlət xidmətlərinin göstərilməsinin vacib əhəmiyyət kəsb etdiyini diqqətə çatdırıb.

""ASAN xidmət" Azərbaycan Respublikasının Prezidenti cənab İlham Əliyev tərəfindən son illər dövlət idarəçiliyinin təkmilləşdirilməsi və modernləşdirilməsi sahəsində həyata keçirilən islahatların tərkib hissəsidir. Davamlı inkişafın təmin edilməsi baxımından dövlət xidmətlərinin göstərilməsindəki irəliləyişlər digər sahələrə də müsbət təsir edir", —deyə İ. Kərimov bildirib.

Paneldə Dünya Bankının İnkişaf məsələləri üzrə birinci vitse-prezidenti cənab Mahmud Mohyeldin, Birləşmiş Millətlər Fondunun Prezidenti xanım Kəti Kalvin, Estoniya Hökumət Aparatının məsləhətçisi xanım Eili Lepik çıxış ediblər. Geniş müzakirələrlə və suallarla davam edən tədbirə yerli və xarici ölkə nümayəndələri, BMT və Dünya Bankının həmçinin mülki cəmiyyət və özəl sektoru təmsil edən mütəxəssislər qatılıblar. Eyni zamanda Azərbaycanın Dubaydakı Baş konsulu Pərviz İsmayılzadə də tədbirdə iştirak edib. Səfər çərçivəsində ikitərəfli görüşlərin keçirilməsi nəzərdə tutulur. Zirvə görüşü növbəti gün də öz işini davam etdirəcək.

Xəbər lenti
0