CƏMİYYƏT
Cəmiyyətin həyatında baş verən aktual hadisələr

Deputatdan dövlət qurumlarına ittiham

© Photo : TRENDAzay Quliyev
Azay Quliyev - Sputnik Azərbaycan
Abunə olmaq
Azay Quliyev: "Bəzi mərkəzi və yerli icra hakimiyyəti orqanları qanundan irəli gələn məsələlərə lazımi səviyyədə diqqət yetirmir"

BAKI, 1 fev — Sputnik. ""İctimai nəzarət haqqında" qanun layihəsi təsadüfi olaraq ortaya çıxmayıb. Cənab Prezident yanvar ayında Nazirlər Kabinetinin iclasında ictimai nəzarət mexanizmləri ilə bağlı çox ciddi tapşırıqlar verdi, ictimai nəzarətin vacibliyini qeyd etdi. Hesab edirəm ki, bu qanun layihəsi müəyyən qanunvericilikdə boşluqların doldurulmasına, konkret mexanizmlərin yaradılmasına xidmət edəcək".

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası “İctimai nəzarətin təşkil olunmasında QHT-lərin rolu” mövzusunda dəyirmi masa - Sputnik Azərbaycan
CƏMİYYƏT
Hökumət vəziyyətdən çıxmaq üçün yollar axtarır

Sputnik xəbər verir ki, bu barədə millət vəkili Azay Quliyev Milli Məclisin bu gün keçirilən plenar iclasında çıxışı zamanı deyib. O təəssüflə bildirib ki, bəzi mərkəzi və yerli icra hakimiyyəti orqanları qanundan irəli gələn məsələlərə lazımi səviyyədə diqqət yetirmir.

"Məsələn, ictimai şuraların yaradılması ilə bağlı Nazirlər Kabinetinin təsdiq etdiyi Əsasnamə var. Əsasnamədə şuraların yaradılması qaydası müəyyənləşib. Amma bəzi qurumlar buna əməl etmir", —deyə deputat vurğulayıb.

Onun sözlərinə görə, bu baxımdan "İctimai nəzarət haqqında" qanun layihəsi burada müəyyən mənada interaktivliyi də artırmalıdır: "Mexanizm kifayət qədər aydın, başadüşülən olmalıdır. Həm dövlət qurumlarının fəaliyyəti yüksək səviyyədə təşkil olunsun, həm də ictimai nəzarət adı altında müdaxilələr olmasın. Eyni zamanda, müəyyən mexanizmlər də təmin edilsin".

Xəbər lenti
0