18:37 10 Dekabr 2016
Canlı yayım
Ali Məhkəmə

Nazir: məhkəmənin nüfuzuna xələl gətirən 30 hakim cəzalandırılıb

supremecourt.gov.az
CƏMİYYƏT
Qısa URL
3301

Bunu Ali Məhkəmənin bu gün keçirilən plenum iclasında çıxış edən ədliyyə naziri, Məhkəmə Hüquq Şurasının (MHŞ) sədri Fikrət Məmmədov deyib.

BAKI, 11 iyun — Sputnik. Məhkəmənin nüfuzuna xələl gətirən 30-dan çox hakim ciddi intizam məsuliyyətinə cəlb edilib.

Sputnik xəbər verir ki, bunu Ali Məhkəmənin bu gün keçirilən plenum iclasında çıxış edən ədliyyə naziri, Məhkəmə Hüquq Şurasının (MHŞ) sədri Fikrət Məmmədov deyib.

Onun sözlərinə görə, məhkəmə- hüquq sisteminin gücləndirilməsi sahəsində nə qədər işlər görülsə də, problemlər və nöqsanlar var: “Bu istiqamətdə ciddi iş aparırıq ki, məhkəmə sisteminin nüfuzuna xələlə gəlməsin”.

Məmmədov bildirib ki, eyni xarakterli işlər üzrə bəzən anlaşılmaz, fərqli hökmlərin çıxarılması, Cinayət Məcəlləsinin 70-ci (cəzanın şərti hesab olunması) və yaxud 62-ci (daha yüngül cəzanın tətbiq olunması) maddələrinin tətbiq olunması maraq doğurur: “Bunlar məhkəmə nüfuzuna xələl gətirir, məhkəmələrə inamı azaldır. Heç də təsadüfü deyil ki, yuxarı instansiya məhkəmələri tərəfindən bu cür qərarların çoxu dəyişdirilib və ya ləğv olunub. Bu gün biz məhkəmələr tərəfindən yol verilən qanun pozuntularına, nöqsanlara diqqət yetiririk. Lakin görəsən bu nöqsanların səbəbi təkcə zəif bilik və təcrübəsizlikdirmi? Təəssüf ki, bunu birmənalı demək çətindir. Bu kimi hallarla barışmaz mövqeyimiz göz önündədir. Məhkəmə Hüququ Şurası tərəfindən təkcə son 3 ildə bu cür işlərə görə 30-dan çox hakim ciddi intizam məsuliyyətinə cəlb edilib, 3 hakimin səlahiyyətlərinə xitam verilib, 9 hakimin iş yeri dəyişdirilib, yaxud aşağı işə keçirilib, 13 hakim məhkəmə sistemindən kənarlaşdırılıb”.

Nazir onu da əlavə edib ki, Azərbaycanın sürətli iqtisadi inkişafı iqtisadi sahədə cinayətkarlığın artması üçün zəmin yaradıb: “Tədqiqatlar göstərir ki, cinayətkarlığın səviyyəsinin nisbi sabitliyinə baxmayaraq, dələduzluq cinayətləri getdikcə artır. Məsələn, son 3-4 il ərzində birinci instansiya məhkəmələrində baxılan bu cür işlərin sayı iki dəfədən çox artıb. Bu cinayətkarlığa görə məhkum edilənlərin sayı isə 830-u keçib. Dələduzluğa görə məhkum edilmiş şəxslərin sayı davamlı olaraq artır. Bu məsələnin plenuma salınması, müzakirə olunması xüsusi əhəmiyyət kəsb edir. Əlbəttə ki, həbs qətimkan tədbirinin seçilməsində, müdafiə hüququnun təmin olunmasında yol verilən nöqsanlar, süründürməçilik halları bizi narahat etməyə bilməz. Ən böyük problemlərdən biri də bu sahədə layiqli cəzanın tətbiq olunmaması və məhkəmə təcrübəsinin formalaşmamasıdır”.

Nazir bildirib ki, bu cür tədbirlər gələcəkdə də davam etdiriləcək. 

Əsas mövzular