Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Rövşən Lənkəranski sağdır

© Photo : PUBLIC DOMAINMəşhur azərbaycanlı avtoritet Rövşən Lənkəranski
Məşhur azərbaycanlı avtoritet Rövşən Lənkəranski - Sputnik Azərbaycan
Abunə olmaq
Məşhur azərbaycanlı kriminal avtoritet hazırda xəstəxananın reanimasiya şöbəsindədir

BAKI, 18 avq — Sputnik. İstanbulda bir oteldən çıxan, Azərbaycan nömrəli, bahalı avtomobil çarpaz atəşə məruz qalıb. Hadisə nəticəsində, avtomobilin sahibi, azərbaycanlı iş adamı yaralanıb, sürücüsü isə həyatını itirib.

Kalaşnikov - Sputnik Azərbaycan
HADİSƏ
Bakıda "kriminal avtoritet"lər arasında atışma olub

Sputnik "Doğan" xəbər agentliyinə istinadla xəbər verir ki, cinayətkarlar ucuna susdurucu qoyulmuş uzun lüləli tüfəng və silahı hadisə yerində qoyaraq qaçıblar. Oteldən çıxan "Range Rover" markalı maşın 10 metr irəlidə pusqu quranların silahlı hücumuna məruz qalıb. Çarpaz atəşə tutulan avtomobil dəlik-deşik edilib.

Avtomobilin içərisində olan azərbaycanlı iş adamı Rövşən Əliyev və adı bilinməyən sürücüsü ağır yaralı olaraq təcili yardımla xəstəxanaya aparılıb. Hadisədən sonra bölgəyə çox sayda polis sövq edilib. Zirehli bir polis maşını ətrafda təhlükəsizlik tədbirləri alıb.

"Florance Nightingale" xəstəxanasına aparılan sürücü həyatını itirib. Yaralı iş adamı Ravşan Əliyevin isə "Şişli Etfal" xəstəxanasında müalicə altına alınıb. Polis qaçanların tutulması üçün tədbirlər görür.

Hücuma məruz qalan şəxsin azərbaycanlı kriminal avtoritet Rövşən Lənkəranski olduğu məlum olub. Lənkəranskinin yaxın qohumu, millət vəkili Fəzail Ağamalı bizimyol.info-ya açıqlamasında faktı təsdiqləyib və hadisə nəticəsində Rövşənin həyatını itirdiyini bildirib.

"Mən məlumat öyrənməyə çalışdım. Çox çətinliklə də olsa, öyrənə bildim. Çox təəssüf, çox dəyərli oğul idi", — deputat bildirib.

Qeyd edək ki, Fəzail Ağamalının qardaşı qızı, Rövşən Lənkəranskinin qardaşının həyat yoldaşıdır.

Lakin Şişli Hamidiyə Etfal Tədris və Araşdırma Xəstəxanasından Sputnik-ə verilən məlumata görə, R. Lənkəranski həyatını itirməyib: "Xəstə hazırda reanimasiyadadır. Vəziyyəti ağırdır. Ona lazımi tibbi yardım göstərilir. Həyatını itirdiyi barədə məlumatlar yalandır. Detallı məlumat yaxınlarına verilib. Hazırda xəstənin yaxınları xəstəxanadadır".

Qeyd edək ki, R. Lənkəranskinin əsl soyadı Canıyevdir. Lakin İtaliya interpolu onun barəsində axtarış elan etdiyi üçün, hazırda Türkiyədə Rövşən Əliyev ad-soyadı ilə yaşayır. Və o, bu soyadla iki dəfə Ukraynada saxlanılaraq deport olunub.

Xəbər lenti
0