Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Şimal-qərb bölgəsində tufan qopdu

© Sputnik / Ilham MustafaDaşkəsəndə külək ciddi fəsadlar törədib. Arxiv şəkli
Daşkəsəndə külək ciddi fəsadlar törədib. Arxiv şəkli - Sputnik Azərbaycan
Abunə olmaq
Zaqatala-Balakən bölgəsində həyat dayanıb, evlərə və müəssisələrə ciddi ziyan dəyib, enerji xəttləri sıradan çıxıb, rayonlara qaz və elektrik verişi dayandırılıb

BAKI, 25 iyul — Sputnik. Zaqatala və Balakən rayonlarında güclü tufanla müşahidə olunan leysan yağış yağıb. Sputnik-in bölgə müxbiri xəbər verir ki, tufan, əsasən Zaqatala şəhərinə və Yuxarı Tala kəndinə ziyan vurub. 

Şəhərdə müxtəlif yaşayış və inzibati binalara, fərdi evlərə ciddi ziyan dəyib. Rabitə, enerji və qaz xəttləri sıradan çıxıb. Rayonun bəzi hissələrində enerji verilişi dayandırılıb.

Qəbələdə sel - Sputnik Azərbaycan
Azərbaycanda dağıdıcı təbii fəlakət təhlükəsi

Fərdi maşınların üzərinə dam örtüyü düşməsi nəticəsində ciddi ziyan dəyib. Hazırda Fövqəladə Hallar Nazirliyinin (FHN) yerli qurumlarının nümayəndələri fəsadların aradan qaldırılması istiqamətində tədbirlər görür və dəymiş ziyan hesablanır.

Güclü külək və leysan yağış Balakən rayonunda da ciddi fəsadlar törədib. Qasırğa Balakən Rayon Mərkəzi Xəstəxanasının dam örtüyünün 60 faizini uçurub. Xəstəxananın 3-cü mərtəbəsində yerləşən əməliyyat blokunun avadanlıqlarına leysan nəticəsində ciddi ziyan dəyib.

Qazbinə kənd tam orta məktəbinin idman korpusunun dam örtüyü, 51 saylı Yol İstismar İdarəsinin əsas və köməkçi binalarının dam örtüyü, bir sıra sosial obyektlərin və fərdi yaşayış evlərinin dam örtüyü sıradan çıxıb. Qasırğa nəticəsində rayonun elektrik və rabitə sisteminə ziyan dəyib, rayonun 70 faizinə elektrik enerjisinin verilməsində fasilə yaranıb.

Vəziyyətlə əlaqədar rayonda təbii qazın verilişi dayandırılıb. Fəsadların aradan qaldırılması istiqamətində iş aparılır.

Xəbər lenti
0