Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Aramsız yağış Şəkinin daha bir kəndinə ziyan vurub

© Sputnik / Shahperi AbbasovaSel. Arxiv şəkli
Sel. Arxiv şəkli - Sputnik Azərbaycan
Abunə olmaq
Sel nəticəsində Cunut kəndini rayon mərkəzi və ətraf kəndlərlə birləşdirən yol yararsız hala düşüb. Avtomobillər yolda qalıb.

Şahpəri Abbasova, Sputnik Azərbaycan

BAKI, 13 iyul — Sputnik. Dağlara yağan aramsız leysan yağışları nəticəsində Şəkinin daha bir kəndinə ziyan dəyib. Sputnik-in bölgə müxbiri xəbər verir ki, yağan yağışlar səbəbindən Biləcik çayına güclü sel gəlib.

Avtomobil qəzası - Sputnik Azərbaycan
Güclü sel 10 evi, bir neçə körpünü dağıtdı

Sel nəticəsində Cunut kəndini rayon mərkəzi və ətraf kəndlərlə birləşdirən yol yararsız hala düşüb. Avtomobillər yolda qalıb.

Sakinlərin sözlərinə görə, analoji hal əvvəllər də bir neçə dəfə baş verib. Hətta kəndə düşən sel suları mal-qaranı tələf edib. Təsərrüfatlara ziyan vurub.

Lakin xoşbəxtlikdən bu dəfə bənzər faktlar qeydə alınmayıb. Ən böyük fəsad yolda yaranıb. Sözügedən ərazidə körpü və ya suötürücü boru yerləşdirilmədiyindən, hər dəfə sel gəldiyində yol yararsız hala düşür.

Bu günədək yaranmış fəsadları kənd bələdiyyəsi öz hesabına aradan qaldırsa da, bu dəfə dağıntının güclü olması bələdiyyə tərəfindən yolun bərpa edilməsini mümkünsüz edib.

Cunut kəndində yaranmış vəziyyət artıq aidiyyəti qurumlar tərəfindən nəzarətə götürülüb. Kəndin rayon mərkəzi ilə əlaqəsinin tam bərpa olunmasi istiqamətində işlərə başlanılıb.

Xəbər lenti
0