Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Azərbaycanlı aşbaz Madonnanı maşınla vurub

CC0 / Pixel-mixer / crushYol qəzası nəticəsində zədələnmiş avtomobil. Arxiv şəkli
Yol qəzası nəticəsində zədələnmiş avtomobil. Arxiv şəkli - Sputnik Azərbaycan
Abunə olmaq
İyunun 7-si saat 01:00 radələrində Babək prospektində yerləşən 75 saylı evin yaxınlığında yolu keçən qadın maşınla ölümcül vurulub. Qadını vuran maşının sürücüsü isə gizlənib.

BAKI, 10 iyun — Sputnik. Bakının mərkəzində yerləşən məşhur restoranlardan birinin baş aşbazı Vadim Yakuşev törətdiyi yol-nəqliyyat hadisəsi ilə öz peşəkar imicinə xələl gətirib. Xoşbəxtlikdən Yakuşev sağdır, amma onun törətdiyi qəzanın digər qurbanı ölüb. 

Nizami rayon Polis İdarəsindən Sputnik-ə verilən məlumata görə, ötən gün 23 saylı polis şöbəsinin əməkdaşları operativ-axtarış tədbirləri nəticəsində BMW-520 markalı maşının sürücüsü, 1978-ci il təvəllüdlü Bakı sakini, ölümlə nəticələnən avtoqəza törətmiş şəxsi saxlayıb. Faktla bağlı AR Cinayət Məcəlləsinin 263.2 (yol hərəkəti və nəqliyyat vasitələrinin istismarı qaydalarının pozulması, ehtiyatsızlıqdan zərərçəkmiş şəxsin ölümünə səbəb olma) və 264 (yol-nəqliyyat hadisəsini törədərək hadisə yerindən qaçma) maddələri ilə cinayət işi açılıb.

Pərviz Bülbülə və Rəşad Dağlı - Sputnik Azərbaycan
HADİSƏ
Məşhur meyxanaçılar qəzaya düşüb: Pərvizin ayağı, Rəşadın qolu sınıb

İş üzrə materiallara görə, iyunun 7-si saat 01:00 radələrində Babək prospektində yerləşən 75 saylı evin yaxınlığında yolu keçən qadın maşınla ölümcül vurulub. Qadını vuran maşının sürücüsü isə gizlənib. Qadının şəxsiyyəti indiyə qədər müəyyən edilməyib.

Məlumata görə, 40-45 yaşlarında olan qadın ev xələti, açıq yaşıl qarışığı olan boz gödəkçə geyinib. Gödəkçənin cibində "Nissan" markalı avtomobilin breloku ilə birgə seyf açarları olub. Qadının əlinin barmaqlarında iki sadə üzük olub.

Baxmayaraq ki, istintaq qadının şəxsiyyətini müəyyən etməyib, Babək prospekti ətrafında çoxları onu tanıyırlar. Hadisə yerində meyidin ətrafına toplaşan kütlə polisə bildirib ki, qadın bu ərazidə "Madonna" adı ilə məşhurdur. Polis qadının yüngül əxlaqlı olduğunu güman edir.

Qeyd edək ki, yol-nəqliyyat hadisəsi nəticəsində qadının başı əzilib. Ona görə də polis onun şəxsiyyətini müəyyən edə bilməyib. Saxlanılan şəxs piyadanı vuranda qorxduğunu etiraf edib. Təəssüf ki, hadisəni törədəndən sonra hadisə yerindən qaçmaqla öz vəziyyətini ağırlaşdırıb. O, israrla peşman olduğunu bildirib. Fakt üzrə araşdırma davam edir.

Xəbər lenti
0