BAKI, 8 sent-Sputnik. Profilaktik baxış üçün hər altı aydan bir diş həkiminin yanına getmək lazım deyil.
Sputnik Azərtac-a istinadla xəbər verir ki, bu, aparıcı britaniyalı stomatoloq Sara Harlinin rəyidir. Baş stomatoloq hesab edir ki, pasiyentlər diş həkimlərinin tövsiyələrinə kor-koranə yanaşmamalı və müntəzəm olaraq mütəxəssislərin qəbuluna getməməlidirlər.
Birləşmiş Krallıqda dişlərin profilaktik müayinəsi üçün hər hansı ciddi vaxt cədvəli yoxdur. Diş problemləri ümumiyyətlə olmayan şəxslər üçün interval iki il təşkil edir.
"Lakin bir çox həkimlər bu tövsiyələrə məhəl qoymur və israr edirlər ki, pasiyentlər qəbula daha tez-tez gəlsinlər" — deyə ölkənin baş stomatoloqu bildirib.
