Qələm - Sputnik Azərbaycan
TƏHLİL
Sosial-iqtisadi, ictimai-siyasi, mədəniyyət, idman və digər sahələrə aid aktual təhlillər

"Ot qismində qəbul olunan narkotik maddələrə görə "miqdar limitini" götürmək lazımdır"

© faktxeber.comMahmud Hacıyev, keçmiş polis rəisi
Mahmud Hacıyev, keçmiş polis rəisi - Sputnik Azərbaycan
Abunə olmaq
Mahmud Hacıyev: "Mərkəzi Avropa ölkələrində ot qismində qəbul olunan narkotik maddələrə görə cinayət işi qaldırmırlar. Bizdə isə miqdar məsələsi var. Miqdar məsələsi də ancaq ot qismində qəbul olunan narkotik maddələrə şamil olunur"

BAKI, 9 may-Sputnik. "Satış məqsədi olmadan qanunsuz olaraq narkotik vasitələri və ya psixitrop maddələri şəxsi istehlak miqdarından artıq miqdarda əldə etmə və saxlama 3 ilədək müddətdə azadlıqdan məhrumetmə ilə cəzalandırılır. Kimsə narkomandır və biz də qəbul etmişik ki, narkomanlıq cinayət sayılmır. Yəni, bu, bir xəstəlikdir. Belə olan halda o, kimdənsə özünün şəxsi istehlakı üçün narkotik alır və aldığı maddə 0,1 qram artıq olur. İndi biz onu tutub göndərməliyik həbsxanaya ki, niyə sənin aldığın narkotik 0,1 qram artıq gəlib?".

Qüdrət Həsənquliyev - Sputnik Azərbaycan
CƏMİYYƏT
Millət vəkili narkotik maddədən istifadəni leqallaşdırmağı təklif edir

Bunu millət vəkili Qüdrət Həsənquliyev parlamentin mayın 6-da keçirilən plenar iclasında deyib. O, bildirib ki, dünyanın hər yerində artıq narkomanlara qarşı, marixuanadan istifadəyə görə cinayət məsuliyyəti aradan qaldırılıb.

"Xüsusilə inkişaf etmiş ölkələrdə. Onlar başa düşürlər ki, qadağalar yolu ilə buna qarşı mübarizə aparmaq heç bir effekt vermir. Bunu leqallaşdırmaq lazımdır", — deputat vurğulayıb.

Həsənquliyevin fikrincə, narkomanları həbsxanaya doldurmağın heç bir xeyri yoxdur: "Dövlət də onların həbsxanada saxlanılması üçün böyük xərc çəkir. O insanlar məcburi müalicəyə göndərilməlidir".

Məsələ ilə əlaqədar sabiq polis rəisi Mahmud Hacıyev Sputnik-ə açıqlamasında deyib ki, Mərkəzi Avropa ölkələri, həmçinin Şimal və Şərqi Amerika ölkələrinin bəzilərində ot qismində (anaşa, nəşə və s. deyirlər) qəbul olunan narkotik maddələrə görə artıq cinayət işi qaldırılmır: "Hətta bununla bağlı onlar üçün yerlər də ayrılıb. Onlar bunu cinayət qanunvericiliyindən çıxarıb inzibati qanunvericiliyə salıblar. Bunu inzibati xəta kimi qəbul edirlər. Burada müəyyən şərtlər qoyulur. Əgər mütəmadi olaraq qadağan olunmuş yerdə qəbul etsən və yaxud mütəmadi qəbul edib ətrafdakıların istirahət və digər hüquqlarını pozsan, cinayət qanunvericiliyinə istinad edirlər".

Onun sözlərinə görə, Azərbaycanda isə bu sahədə vəziyyət fərqlidir: "Bizdə müəyyən miqdar məsələsi var. Bu, Sovet dönəmində də olub, indi də var. Əgər o miqdara çatmayıbsa, ona cinayət düşmür və tutaq ki, kiməsə onu vermək istəyir və ya özü çəkmək istəyir, yenə cinayət işi düşmür. Yəni, o miqdarı ötəndə ona cinayət düşür".

"Ümumiyyətlə, Mərkəzi Avropa ölkələrində ot qismində qəbul olunan narkotik maddələrə görə cinayət işi qaldırmırlar. Bizdə isə miqdar məsələsi var. Miqdar məsələsi də ancaq ot qismində qəbul olunan narkotik maddələrə şamil olunur. Heroində, tiryəkdə, kokaində o miqdar məsələsi yoxdur. Bizdə inanmıram ki, bunu tətbiq etmək mümkün olsun", — keçmiş rəis deyib.

M. Hacıyevin fikrincə, özü üçün ot qismində çəkirsə, bunu inzibati xəta kimi qəbul etmək olar, amma burada təhrikçiliyə yol vermək olmaz: "Bu miqdar məsələsi gedir, axırda qanun pozuntusuna çıxardır. Hesab edirəm ki, qanunvericilikdə boşluqları doldurmaq lazımdır, ot qismində qəbul olunan narkotik maddələrə görə o miqdarı da götürmək lazımdır. Bunun üçün dərin, dəqiq təhlillər aparılmalıdır və təhrikçilik, ətrafdakılara ziyan və digər bütün məsələlər nəzərə alınmalıdır".

Xəbər lenti
0