Azərbaycanda yeni aviaşirkət yaradılır

© Sputnik / Murad OrujovМеждународный аэропорт Гейдар Алиев в Баку
Международный аэропорт Гейдар Алиев в Баку - Sputnik Azərbaycan
Abunə olmaq
"BUTA AIRWAYS" aviaşirkətinin öz donanması, işçi ştatı və müstəqil tarif siyasəti olacaq

BAKI, 14 dek — Sputnik. "Azərbaycan Hava Yolları" (AZAL) QSC-nin İdarə Heyətinin iclasında, Azərbaycanın aşağı büdcəli aviadaşıyıcısının yaradılması barədə qərar qəbul edilib. Sputnik-in AZAL-ın saytına istinadla verdiyi xəbərə görə, "BUTA AIRWAYS" adlandırılan yeni aviaşirkət "Azərbaycan Hava Yolları" QSC-nin tərkibinə daxil ediləcək və AZAL-ın 100 faizlik törəmə şirkəti olacaq.

Rusiyanın Ruslayn aviaşirkətinə məxsus təyyarə - Sputnik Azərbaycan
RUSİYA
Rusiya aviaşirkəti Azərbaycana uçmaqdan imtina etdi

"Aviaşirkət Heydər Əliyev Beynəlxalq Hava Limanında yerləşəcək. "BUTA AIRWAYS" aviaşirkətinin özünəməxsus livreyada Embraer təyyarələri əsasında yaradılmış öz donanması, öz işçi ştatı və müstəqil tarif siyasəti olacaq", — deyə AZAL-ın məlumatında bildirilir.

AZAL-ın mətbuat xidməti qeyd edib ki, mülki aviasiya biznesi çox mürəkkəb və spesifikdir: "Hər bir ciddi dəyişiklik vaxt tələb edir. Büdcə aviaşirkətinin fəaliyyət göstərməsində çox nüans var, hazırda bütün aspektlər üzərində fəal iş aparılır. "BUTA AIRWAYS" aviaşirkətinin uçuşlarının artıq 2017-ci ilin payızında başlayacağı gözlənilir".

"Aviabiletlərin qiymətinin aşağı salınması üzrə genişmiqyaslı işlər Azərbaycan prezidenti İlham Əliyevin tapşırığı ilə həyata keçirilir. Bu ilin mart ayından etibarən AZALJET brendi altında 13 populyar istiqamət üzrə uçuşlar yerinə yetirilir. Bu reyslərdə satış və uçuş sxemi lou-kosterlərə yaxındır, yəni sərnişinlərə bəzi xidmətlər seçimi ödənişli variantlar şəklində təqdim edilir", AZAL-ın məlumatında qeyd olunub.

Hazırda AZALJET-in bütün reyslərində baza tarifinin qiyməti bütün vergi və rüsumlar da daxil olmaqla cəmi 49 avro təşkil edir. Bu, Azərbaycana uçuşlar həyata keçirən bütün aviaşirkətlər arasında ən rəqabət qabiliyyətli qiymətlərdən biridir. AZAL-da ümid edirlər ki, milli lou-kosterin xidmətləri həm vətəndaşlarımızın ürəyincə olacaq, həm də ölkəmizə turist axınını artıracaq.

Xəbər lenti
0