18:40 10 Dekabr 2016
Canlı yayım
65 saylı marşrut avtobusu

Bakıda bir sıra yollarda nəqliyyatın hərəkət istiqaməti dəyişdiriləcək

pp.vk.me
AZƏRBAYCAN
Qısa URL
29 0 0

İyunun 9-da birinci Avropa Oyunlarının sonuncu təlim və sınaq tədbirlərinin keçirilməsi ilə əlaqədar Bakıda bir sıra yollar üzrə nəqliyyatın hərəkət istiqaməti dəyişdiriləcək.

BAKI, 9 iyun — Sputnik. İyunun 9-da birinci Avropa Oyunlarının sonuncu təlim və sınaq tədbirlərinin keçirilməsi ilə əlaqədar Bakıda bir sıra yollar üzrə nəqliyyatın hərəkət istiqaməti dəyişdiriləcək.

Sputnik-in məlumatına görə, Bakı Şəhər Baş Polis İdarəsinin Dövlət Yol Polisi İdarəsi əhalinin rahat və fasiləsiz hərəkətini təmin etmək məqsədilə sürücülərə alternativ yollarla hərəkət etməyi, eləcə də 20 gün ərzində şəxsi avtomobillərindən istifadə etməməyi tövsiyə edir.

Bu barədə İdarənin bölmə rəisi, polis polkovniki Vaqif Əsədov məlumat verib. Oyunların sınağının keçirilməsinin yollarda müəyyən təhlükəsizlik tədbirlərinin gücləndirilməsi zərurətini yaratdığını vurğulayan V.Əsədov qeyd edib: “İyunun 9-da səhər saatlarından etibarən məşqlər tam başa çatanadək yollarda görülən təhlükəsizlik tədbirləri ilə əlaqədar paytaxtın Mikayıl Müşfiq küçəsinin Parlament prospekti ilə kəsişməsindən başlayaraq, Parlament prospekti, Mehdi Hüseyn, Teymur Elçin, Lermontov, İstiqlaliyyət, Niyazi küçələri, “Azneft” dairəsi, Neftçilər prospekti, “Azadlıq” meydanı, Yusif Səfərov küçəsi, “10-cu zavod” dairəsi, Heydər Əliyev prospekti, Heydər Əliyev Mərkəzi, metronun “Koroğlu” stansiyası, Milli Olimpiya Stadionu, Aeroport şosesi, Mərdəkan dairəsi və Zuğulba qəsəbəsinə doğru, eləcə də əks istiqamətdə geriyə, həmçinin “Cavanşir” körpüsü, Üzeyir Hacıbəyov küçəsi, Azadlıq prospekti, Zərifə Əliyeva, Rəsul Rza küçələri, habelə Avropa Oyunları zamanı idman yarışlarının keçiriləcəyi bütün arenalar və onlara bitişik küçə və prospektlər üzrə nəqliyyat vasitələrinin hərəkət istiqaməti dəyişdirilir. Bu məqsədlə sürücülərə Bakı-Salyan yolunun 14-cü kilometrliyindən, yəni “Meyvəli” bazar ətrafından Baş Dövlət Yol Polisi İdarəsinin (BDYPİ) yanından keçməklə Binəqədi, Mehdiabad, Digah, Zabrat, Balaxanı, Sabunçu, Bakıxanov, Suraxanı istiqamətində hərəkət etmələri tövsiyə edilir. Abşeron rayonu və Sumqayıtdan gələnlər də BDYPİ-nin yanından keçərək Digah yolundan istifadə etməlidirlər. Eyni zamanda, Hüseyn Cavid prospekti — Mikayıl Müşfiq küçəsi, Yusuf Səfərov — 28 May küçələrinin kəsişməsindən hərəkət istiqamətləri dəyişdirilir. Heydər Əliyev Beynəlxalq Aeroportundan şəhər istiqamətinə gələnlərdən isə Suraxanı ərazisindən keçərək Bakıxanov, Qaraçuxur və Sabunçu qəsəbələri ərazisindəki yollarla hərəkət etmələri xahiş olunur. Paytaxtın Xətai rayonunda Nəcəfqulu Rəfiyev Babək prospekti və digər yollar hərəkət üçün açıq olacaq”.

Sürücü və avtomobil sahiblərini 20 gün ərzində şəxsi avtomobillərindən istifadədən imtina etməyə çağıran bölmə rəisi bildirib: “Mövcud vəziyyəti və şəraiti nəzərə alaraq, bir daha sürücülərə şəxsi avtomobillərdən istifadə etməmələri, ictimai nəqliyyatdan istifadəyə üstünlük vermələri tövsiyə olunur. Bakı Şəhər Dövlət Yol Polisi İdarəsi yollarda təhlükəsizliyin təmin edilməsi üçün hər bir avtomobil sahibini, sürücünü birinci Avropa Oyunları ilə əlaqədar “Avtomobilsiz 20 gün” devizi altında həyata keçirilən kampaniyaya qoşulmağa çağırır”.


Əlaqədar

Bakı-Ələt yolunun bir hissəsində nəqliyyatın hərəkəti məhdudlaşdırılır
Şəfayət Mehdiyev küçəsinidə nəqliyyatın hərəkəti bərpa olunub
Sabah Bakıda əsas küçələrdə nəqliyyatın hərəkəti məhdudlaşdırılacaq
“Bakı-2015” nəqliyyatın ilk Avropa Oyunlarına hazırlığını sınaqdan keçirəcək

Əsas mövzular