https://sputnik.az/20230728/qisas-ayri-ayri-zerbeler-deyil-rusiya-xhe-nin-mahiyyetidir-457241367.html

Qisas ayrı-ayrı zərbələr deyil, Rusiya XHƏ-nin mahiyyətidir

Qisas ayrı-ayrı zərbələr deyil, Rusiya XHƏ-nin mahiyyətidir

Sputnik Azərbaycan

Moskva Ukraynanı məhv etmədən qisas əməliyyatından əl çəkməyəcək

2023-07-28T23:31+0400

2023-07-28T23:31+0400

2023-07-29T04:13+0400

rusiya

rf-in donbasın müdafiəsi üzrə xüsusi əməliyyatı

xüsusi hərbi əməliyyat

silahlı qüvvələr

zaporojye

qərb

ukrayna

https://cdnn1.img.sputnik.az/img/07e6/0c/09/449459924_0:136:3105:1883_1920x0_80_0_0_12fe5f5e28fd842ed58faec1151ef5b5.jpg

Rusiya Silahlı Qüvvələri (RSQ) Kiyev rejiminin nəzarətində olan bütün ərazilərdə Ukrayna Silahlı Qüvvələrinin (USQ) obyektlərinə raket zərbələri endirir və cəbhənin bir neçə hissəsinə hücum edirlər. İrəliləyiş xüsusilə Krasnolimansk və Kupyansk istiqamətlərində nəzərə çarpır. Ukrayna ordusunun bütün "əks-hücum" cəhdləri yatırılır – düşmən canlı qüvvədə və döyüş texnikasında böyük itki verir, Qərbin verdiyi bütün ağır silahların üçdə birinə qədəri məhv edilib. Rusiya Silahlı Qüvvələri iyulun 26-da Ukrayna Silahlı Qüvvələrinin aerodromlarına, idarəetmə və yerləşdirmə məntəqələrinə, texnikaların yığılma sexlərinə, pilotsuz katerlərin, hətta raketlərin saxlanma yerlərinə, NATO ölkələrinin verdiyi silah və hərbi texnikalarına uzaqmənzilli hava və dənizdən yüksək dəqiqlikli silahlarla cəmlənmiş zərbələr endirib. Xarkovdan Lvova qədər geniş əməliyyat zonasında Kiyev yaxınlığındakı yeraltı hərbi idarəetmə məntəqəsi və Lvov vilayətindəki Ukrayna Silahlı Qüvvələrinin və NATO-nun kiberqoşunları üçün olan rabitə mərkəzi, Xmelnitski vilayətindəki Starokonstantinov aerodromunda Ukraynanın Su-24M təyyarələri və Britaniyanın "Storm Shadow" raketlərinin anbarı, Jitomir vilayətindəki Ozernoye aerodromunda obyektlər, Odessa vilayətindəki silah-sursat və hərbi texnika anbarları, Nikolaevdə xarici muzdluların yerləşdirilməsi üçün bir neçə məntəqə, Xarkovda mühüm infrastruktur obyekti (bu yaxınlarda burada "Strij" və "Reys" pilotsuz təyyarələr olan anbar yanıb) məhv edilib. Bəzi müşahidəçilər iyulun 26-da eyni anda 50-dən çox raketin buraxılmasını Krım körpüsünə olan "qisas zərbəsi" kimi hesab edirlər, bu, çox bəsit yanaşmadır. Zaman və məkana görə uzadılan qisas Rusiya xüsusi hərbi əməliyyatının (XHƏ) başlanğıcı və təbii inkişafıdır. Ukrayna ordusu ABŞ və NATO-nun aqressiv xarici siyasətinin itaətkar aləti kimi 500 gündən artıqdır ki, atəş altındadır. Ukraynanın aşkar, ardıcıl və uğurlu demilitarizasiyası birbaşa iqtisadi maraqlara, hərbi arsenallara, kollektiv Qərbin gələcəyinə təsir edir. Vaşinqton da münaqişəni Kiyev rejimini qorumaq naminə deyil, öz "hegemonluğunu" xilas etmək üçün davam etdirməyə çalışır. Buna görə də Ağ Ev Ukraynanın hərbi əməliyyat teatrında yüz milyard dollardan çox pul xərcləməyə, ABŞ ordusunun silah ehtiyatlarını, Ukrayna Silahlı Qüvvələrinin bütün resursunu və digər Avropa limittroflarının (NATO ölkələri də daxil olmaqla) rifahını qurban verməyə hazırdır. Xarkovun azad edilməsi perspektivləri İyulun 25-də Rusiya Silahlı Qüvvələrinin Kupyansk istiqamətindəki bölmələri Rayqorodok yaxınlığında Jerebets çayını keçərək Novoeqorovka, Nadejda, Sergeyevka kəndlərini azad edərək Xarkov vilayətinə çatıblar. Rusiya qoşunlarının cəbhə boyu 3 km irəliləməsi USQ-nin sıralarında çaxnaşma yaradıb, sonra isə tərk edilmiş mövqelərdən 5 km qərbdə xaotik "geri çəkilməyə" (qaçış) səbəb olub. Ukrayna komandanlığı həyacanla Oskol su anbarının şərqində (şimalında Kupyansk, qərbdə isə İzyum yerləşir) müdafiə mövqelərini bərpa etməyə çalışır. Vaşinqtonun təzyiqi altında, Ukraynanın ilk 50 günlük hücum fəaliyyətinin tempindən və nəticələrindən narazı olan Ukrayna Silahlı Qüvvələri sırağagün "əks-hücumun əsas mərhələsinə" başlayıblar və dörd briqada təkcə Orexov (Zaporojye) istiqamətində cəmləşib - 20 minə qədər hərbçi, 90 tank, 120 reaktiv yaylıma sistemi (RYAS), 80 artilleriya qurğusu və minaatan. ABŞ hərbi məsləhətçiləri Ukrayna komandanlığına taktiki qoşunları Rusiyanın cəbhə arxasında yerləşdirməyi tövsiyə edirlər, bunun üçün USQ mövcud 30-60 helikopterdən istifadə edə bilər. Qoşunların məqsədi Rusiya qoşunlarını qorxutmaq, çaxnaşma yaratmaqdır, lakin Ukrayna Silahlı Qüvvələrinin itkiləri böyük olacaq və əməliyyatın uğursuzluqla nəticələnməsi ehtimalı 70 faiz qiymətləndirilir. Bununla yanaşı, iyulun 26-da Ukrayna Silahlı Qüvvələrinin strateji ehtiyatda olan briqadalarından ibarət üç batalyon taktiki qrupu Zaporojye vilayətinin Rabotino yaşayış məntəqəsi yaxınlığında Rusiya müdafiəsini yarıb keçməyə cəhd edib. 810-cu dəniz piyada briqadasının bölmələri və 42-ci motoatıcı diviziyanın 71-ci motoatıcı alayının bölmələri bütün hücumları dəf edərək düşmənin 22 tankını, 10 piyada döyüş maşınını və 100-dən çox ukraynalı hərbçisini məhv edib. Döyüş qabiliyyətini bərpa etmək üçün düşmən öz ilkin mövqelərinə qayıdıb və o, yalnız Berdyansk və Melitopol haqqında xəyal edə bilər. Amerikalılar bir sadə səbəbə görə, yəni, Rusiya Silahlı Qüvvələrinin gücünün artmaması üçün Ukrayna Silahlı Qüvvələrinin komandanlığını tələsdirirlər. XHƏ-nin 500 günü ərzində Moskva ölkə iqtisadiyyatını uğurla yenidən qurub, müdafiə sənayesinin silah-sursat istehsalını 12 dəfə artırıb. Qoşunlara yeni silahların tədarükü dəfələrlə çoxalıb. Rusiya ordusu hər gün döyüş qabiliyyətini artırır. Rusiya "böyük müharibəyə" hərtərəfli hazırlaşır. Ayıq düşüncəli Qərb analitikləri Kiyevin Moskvanın bütün şərtlərinə dərhal əməl etməsini Ukraynanın qalan ərazisini və dövlətçiliyini nəzarət altında saxlamaq üçün son şans hesab edirlər. Yalnız "üstünlük kompleksi" kollektiv Qərbə Ukrayna münaqişəsini və "Qərbi Avropanı kül olma riskini" obyektiv qiymətləndirməyə mane olur. Bununla belə, ABŞ-ın hərbi analitikləri artıq NATO-nun dağılmasının 2024-cü ildə olacağını proqnozlaşdırırlar.

2023

xəbərlər

ru_AZ

ukrayna moskva rusiya qisas hərbi əməliyyat